【季前賽】張繼聰懷舊造型現身冰場　盼子女學溜冰練平衡力

太古城中心冰上皇宮踏入40周年，日前冰上皇宮邀請張繼聰出席慶祝派對，並以復古造型為主題，勾起在場人士不少昔日冰上光景。

阿聰於即將播放大結局的電視劇《季前賽》中，大展籃球技巧，與一眾年輕演員相比毫不遜色，以「佬味」取勝。他指：「除咗打波踢波，我細個都有溜冰。近幾年玩少咗，頭先跟教練操一操，感覺返晒嚟。其實識溜冰都真係好型嘅！」阿聰即席示範溜冰，引起現場人士一陣歡呼，力證個人魅力。

▲ 勾起童年回憶。

阿聰更指自己與太古城中心冰上皇宮十分有淵源：「小時候曾經係此冰場拍攝劇集，記得個陣可以係冰場上暢快地溜冰，好自由自在，亦係一個好珍貴嘅回憶。自己都經常陪仔仔囡囡學習溜冰。」

他希望聖誕假期多帶子女來玩，做運動之餘，更可以訓練平衡力、身體協調及專注力。

最新影片：